O Xuvenil B xa sabe a data do partido aprazado no seu día por COVID-19 correspondente á 4ª xornada (penúltima) da segunda fase da Liga Nacional, grupo 1C de ascenso. Ese encontro, ante o Coruxo FC, xogarase no campo de Fragoselo (Vigo) este sábado 5 de xuño ás 13:00 horas.
Agora queda pendente a data da última xornada desta segunda fase, que se xogará en horario unificado para todos os partidos con incidencia na clasificación. Nesta última cita, o Xuvenil B recibe en Abegondo ao RC Celta B.
Deportivistas e célticos marchan igualados á fronte da táboa con 58 puntos, aínda que os pupilos de Alejandro Antón e Aldo Duscher teñen aínda pendente o citado encontro ante o Coruxo FC.
