RCDeportivo RCDeportivo RCDeportivo
Skip to main content
GL
ACTUALIDADE

O xuvenil Juan Rodríguez, citado por España sub-17 para un amigable ante Italia

#ANOSACANTEIRA segue fornecendo de internacionais ás categorías inferiores da selección española.

Se o pasado martes, Trilli e Hugo Novoa foron convocados pola sub-16 para disputar a Copa Aegean en Esmirna (Turquía); hoxe venres, Juan Rodríguez Lima, que pertence ao cadro do Xuvenil B de Liga Nacional, foi citado pola selección española sub-17 para un amigable ante Italia, o mércores 16 de xaneiro ás 19:00 horas no Estadio Fernando Torres de Fuenlabrada.

Presenza habitual esta temporada en Las Rozas

Esta campaña, ademais de Juan Rodríguez, foron citados os seguintes canteiráns deportivistas:

- Trilli (lateral dereito do Cadete A) e Hugo Novoa (extremo do Cadete A): Copa Aegean en Esmirna (Turquía)

- Mujaid (central do Fabril): Xogos do Mediterráneo coa sub-19

- Juan Rodríguez Lima (central do Xuvenil B) e Íker Pedra Branco (porteiro do Xuvenil B): Adestramentos coa sub-17

- Sergio Bernárdez (mediocentro cedido no San Tirso SD cadete): Torneo Sportchain AGS Cup coa sub-15

Por conseguinte, a factoría de Abegondo aos poucos vaise convertendo nun referente para os diferentes seleccionadores nacionais.