RCD / NOVAS

One e Adrián piden en zona mixta "pasar páxina"

21/01/2018 19:54

O debutante en LaLiga Steve Aldo One e o goleador Adrián López pasaron por zona mixta para analizar o ocorrido no terreo de xogo do Estadio Santiago Bernabéu.

O mallorquino One considerou o 7-1 encaixado ante o Real Madrid "un resultado avultado, un partido para esquecer e pensar xa na fin de semana seguinte, que creo que empeza a nosa liga".

"Son moitas xornadas xa sen gañar, así que quero animar á xente a que siga animando ao equipo, que pronto sairán os resultados", valorou o central fabrilista.

Sobre a cantidade de goles encaixados, One analizou que "na segunda parte imos tentar empatar o partido, por iso abrímonos, aparecen espazos e contra un equipo cunha calidade individual terrible, vacínanche. Non hai culpables, os goles non veñen de erros individuais de ninguén. É o Real Madrid, non nos equivoquemos".

Pola súa banda, Adrián falou de que o 7-1 "foi un resultado moi doloroso para nós".

"Fixemos unha boa primeira parte. Pero a partir do 3-1 o equipo veuse abaixo, eles non paraban de chegar", analizou o dianteiro asturiano.

"Hai que pasar páxina, esquecer este partido, e pensar xa no que vén, que é unha final para nós, contra o Levante na nosa casa. Hai que tentar gañar ese partido, tentar gañar confianza e a partir de aí tirar para arriba", aseverou.

Máis novas de: ADRIÁN