''Os culpables somos nós, os xogadores, os que saímos ao campo'', confesa Florin Andone

Ao seu xuízo, "eu e os meus compañeiros estamos encantadísimos co adestrador (Gaizka Garitano). É un adestrador moi capacitado para estar aquí no Deportivo, un adestrador que nos achega moitísimo".

 

Confesa que "estamos fodidos polo resultado" de #ONosoDerbi, "fodidos pola situación na que estamos, pero optimistas, con ganas de traballar, con ganas de aprender, con ganas de facer as cousas ben e con moitísimas ganas de que chegue o partido do luns, para tentar facer un bo partido e gañalo".

 

Cre que a situación do Dépor é produto dun "refacho, un pouco negativa agora mesmo. Pero ímoslle a dar a volta seguro. Levamos nove xornadas, quédannos moitísimas por diante por disputar, moitos partidos por xogar, moitos minutos para demostrar. Imos meter moitos goles. O importante é traballar ben, tentar facer as cousas o mellor posible, tentar non recibir goles e a ver se podemos ter máis achega os dianteiros e a parte ofensiva para poder gañar os partidos".

 

A nivel persoal, asegura estar "ben. Teño unha pequena molestia no xemelgo. Estou a ter coidado para que non vaia a máis. Decidimos ter un pouquiño máis de coidado neste aspecto para tentar chegar o mellor posible ao partido do luns".