RCDeportivo RCDeportivo RCDeportivo
Skip to main content
GL
PORTADA

Os Dépor Campus chegarán este verán á Costa da Morte

Os Dépor Campus seguen crecendo cada ano, neste caso coa posta en marcha dunha nova sede. Este verán, os nenos e nenas da Costa da Morte poderán gozar desta experiencia deportiva e de lecer no Concello de Zas. Baio será a sede na que se desenvolverá o Dépor Campus do 26 ao 30 de xuño de 2017 de 10:00 a 14:00 h.

Como no resto de sedes, poderán participar todos os nenos que teñan entre 6 e 14 anos. Nesta sede, gozarán de descontos especiais os xogadores das Escolas Calvo e do CD Concello de Zas. Ademais, haberá servizo de transporte para os xogadores desde Muros e Fisterra.

O Concello de Zas e Escolas Calvo, xunto ao Real Club Deportivo, fan posible esta actividade que se estende por outros puntos de Galicia durante o verán.

Toda a información sobre os Dépor Campus 2017 está dispoñible na páxina: deporcampus.rcdeportivo.es