O Estadio Abanca-Riazor acolleu o encontro dos responsables das diferentes sedes dos DéporCampus Cabreiroá 2018.
Pablo Barros, director dos DéporCampus Cabreiroá, foi o encargado de coordinar o encontro que concluíu coa asistencia ao Dépor-Málaga disputado no estadio coruñés.
Ademais del, como organizador en Abegondo, e dos responsables do DéporCampus MauroSilva de Semana Santa e dos DéporCampus Indoor (que se celebran en Indoor Coruña e Pádel Plus en nadal), estiveron presentes membros da organización da actividade deportivista en Monforte, Zas, Dumbría, Cuntis, Boiro, Suíza, Caranza, Viveiro, As Pontes, Camargo, Ordes, Ourense e Bertamiráns.
Esta é unha das grandes novidades da edición 2018 dos DéporCampus Cabreiroá. Por primeira vez haberá sede en Ourense e Pontevedra, polo que a actividade formativa branquiazul chegará ás 4 provincias galegas, ademais de estenderse por outros puntos de España, como Camargo (Cantabria) ou Plasencia (Estremadura).
Os DéporCampus Cabreiroá Abegondo 2018 abrirán inscricións nos próximos días, con prezos conxelados se a inscrición prodúcese antes do 1 de xuño, mentres que o resto de sedes irano facendo ao longo das próximas semanas.
