Os DéporCampus Cabreiroá continúan co seu crecemento imparable e dan o seu primeiro salto, dos varios que haberá este próximo verán, fóra de Europa. Após a experiencia en Xenebra das 3 últimas edicións, a actividade da Fundación Real Club Deportivo chegará por primeira vez aos Estados Unidos co nome de "RC Deportivo Summer Camp".
Do 20 de xullo ao 3 de agosto, técnicos do Deportivo desprazaranse a Virginia para dirixir esta actividade no GFR Nike Field de Great Falls, a media hora da capital dos Estados Unidos.
Da man do equipo local, o Great Falls Reston Soccer Club, os nenos e nenas nacidos entre 2003 e 2008 terán a oportunidade de traballar, entre as 09:00 e as 15:30 h. os conceptos do fútbol a través do Método Dépor, que se aplica nas outras 15 sedes da actividade en Galicia, Cantabria, Estremadura e Suíza.
