RCDeportivo RCDeportivo RCDeportivo
Skip to main content
GL
PORTADA

Os DéporCampus Cabreiroá de Nadal baten a súa marca de participación

Os DéporCampus Cabreiroá de Nadal pecharon hoxe mércores 29 de decembro a primeira quenda en Alvedro e a quenda única en Sada, que viñan desenvolvéndose desde o pasado luns 27.

Na xornada de hoxe tiveron lugar as clausuras de ambas as sedes, que comezaron con diferentes desafíos técnicos e ao final todos os nenos e nenas puideron participar en varios sorteos de diferentes agasallos do Dépor.

Os DéporCampus Cabreiroá de Nadal superaron este ano a súa marca de participación. A sede de Alvedro aumentou a súa duración a dúas quendas e nas instalacións de PadelPlus asistirán 22 participantes por semana, con todas as prazas xa cubertas para os días 3, 4 e 5 de xaneiro. Ademais no Campo Municipal das Mariñas, en Sada, 50 nenos e nenas gozaron do fútbol baixo a supervisión dos adestradores da canteira do RC Deportivo fronte aos 35 participantes do ano pasado.

Os DéporCampus Cabreiroá de Nadal seguen un rigoroso protocolo de hixiene e seguridade fronte ao COVID-19, cunha metodoloxía adaptada, merendas individuais, control de acceso e de temperatura ou uso obrigatorio de máscara, entre moitos outros aspectos.

Para calquera dúbida ou consulta acerca da actividade, os interesados poden contactar coa organización na dirección de correo electrónico deporcampus@rcdeportivo.es.