Os DéporCampus Cabreiroá de Nadal pecharon as súas portas por este ano hoxe mércores 5 de xaneiro, co final da segunda quenda en Alvedro, que viña desenvolvéndose desde o pasado luns 3.
Os DéporCampus Cabreiroá de Nadal superaron este ano a súa marca de participación. A sede de Alvedro aumentou a súa duración a dúas quendas e nas instalacións de PadelPlus asistiron 22 participantes por semana. Ademais no Campo Municipal das Mariñas, en Sada, 50 nenos e nenas gozaron do fútbol durante a última semana de 2021 baixo a supervisión dos adestradores da canteira do RC Deportivo fronte aos 35 participantes do ano pasado.
Os DéporCampus Cabreiroá de Nadal seguiron un rigoroso protocolo de hixiene e seguridade fronte ao COVID-19, cunha metodoloxía adaptada, merendas individuais, control de acceso e de temperatura ou uso obrigatorio de máscara, entre moitos outros aspectos.
Os DéporCampus Cabreiroá volverán en Semana Santa. Con anterioridade actualizarase toda a información relativa aos mesmos na web deporcampus.rcdeportivo.es/gl.
