Os dous equipos benxamíns do RC Deportivo teñen cita mañá martes 29 de xuño ás 19:00 na Torre co Trofeo Mini Teresa Herrera. Ambos disputan as semifinais, a só un paso pois de xogar a gran final en ABANCA-RIAZOR.
Así, o Benxamín A enfróntase ao CFD Orzán e o Fabril FC Benxamín ao Ural Español CF.
Anteriormente, o Benxamín A eliminou ao Sporting Coruñés SD (oitavos de final) e ao Atlético Coruña Montañeros CF (cuartos de final).
Pola súa banda, o Fabril FC Benxamín apeou ao Orillamar SD (oitavos de final) e ao Victoria CF (cuartos de final).