A Federación Galega de Fútbol, ante a decisión adoptada polo Comité Clínico da Xunta de Galicia publicada no DOGA, acordou elevar unha nova proposta ao órgano representativo da Asemblea Xeral para a súa aprobación.
Así, no que fai referencia a #ANOSACANTEIRA, os reitores do fútbol galego pretenden que a División de Honra cadete (Cadete A), Liga Galega cadete (Cadete B) e Liga Galega infantil (Infantil A) comecen a competición a finais de marzo.
As ligas terán un formato exprés, cunha duración entre 10 e 16 semanas. Non haberá descensos pero si ascensos; e a competición poderase prolongar máis aló do 30 de xuño.
Pola súa banda, para o resto de categorías, a Federación Galega realizará nos próximos días consúltalas pertinentes. Neste caso, iniciaranse as ligas a condición de que se dean as condicións sanitarias idóneas.
Até a data, cadetes, infantís, alevíns e benjamines de #ANOSACANTEIRA realizan varios días á semana adestramentos individuais específicos no domicilio; á espera de retornar á Cidade Deportiva de Abegondo cando o permitan as autoridades.
