Os técnicos branquiazuis fixeron esta mañá especial fincapé na potencia aeróbica, con series de 1.000 metros ao longo dos seis campos de herba natural da Cidade Deportiva.
Antes, o cadro branquiazul, coas ausencias de Bóveda e Somma, arrincou cun quecemento e unha serie de tarefas de cambio de dirección e aceleración no campo 1; un circuíto pliométrico e de forza de tren superior supervisado por Fran Molano nun dos campos de fútbol 7; e un traballo técnico-táctico con balón dirixido por Fernando Vázquez.
Mañá sábado, o Dépor pecha a semana de adestramentos individuais con dúas quendas de futbolistas: 09:30 e 11:00 horas.
