RCD / NOVAS

Os traveseiros e o VAR derrotan ao Dépor (0-1)

07/09/2019 18:40

Os traveseiros, en dúas ocasións, e unha controvertida decisión do colexiado, após consultar el mesmo a xogada na pantalla do VAR, impediron a vitoria dun Deportivo que se fixo acredor dela a pesar de acabar o partido cos cinco recentemente chegados no campo.

Juan Antonio Anquela, preparador branquiazul, fixo catro cambios no once inicial con respecto ao que presentou o pasado domingo en Vallecas. Tres deles, obrigados, pola saída de Diego Caballo, a convocatoria internacional de Gaku e a lesión de Borja Valle, substituídos por Salva Ruiz, Vicente Gómez e Mollejo, respectivamente. A cuarta substitución foi a de Montero, terceiro debutante hoxe de inicio xunto a Salva Ruiz e Mollejo, na posición que ante o Rayo Vallecano ocupou Mujaid.

O partido comezou con escasos achegamentos ás áreas. O primeiro disparo do partido chegou no minuto 8, por medio de Borja Galán. O seu lanzamento marchouse moi por riba do traveseiro do portal manchego. Dez minutos despois chegou o primeiro intento do Albacete, por medio de Susaeta, nunha falta lateral. Dani Giménez atrapou o coiro sen problemas.

Mediado o primeiro período, no minuto 26, comezou o festival de Ager Aketxe. O mediapunta branquiazul lanzou unha falta moi lonxana e escorada, imprimindo un estraño efecto ao balón, que Tomeu Nadal atrapou non sen dificultades.

Tres minutos máis tarde, noutro libre directo moi lonxano, Aketxe estrelou a pelota no traveseiro, moi preto da cruceta da portería albaceteña.

Trala pausa de hidratación á media hora de xogo, no minuto 35 de novo Aketxe puxo en apertos a Tomeu Nadal con outro libre directo. Nesta ocasión foi cun disparo moi forte, aínda que excesivamente centrado, que o porteiro do Albacete abortou en dous tempos.

O Albacete gozou da mellor ocasión da primeira metade cando esta agonizaba. Corría o minuto 44 cando Olabe fíxose cun pelotazo do seu porteiro, ingresou na área co balón botando e en vantaxe, con Dani Ojeda completamente só ao seu lado. Trala deixada do seu compañeiro, o extremo esquerdo empalmou unha volea co pé dereito que acabou na bancada de Pavillón.

Co empate sen goles chegouse ao descanso.

Tralo mesmo, o Deportivo saíu cunha marcha máis, froito do cal gozou da súa mellor ocasión até entón. Chegou após unha boa triangulación entre Salva Ruiz, Aketxe e Koné pola dereita. O lateral esquerdo debutante dobrou ao dianteiro marfileño e acabou poñendo un balón desde a liña de fondo ao corazón da área pequena que ningún xogador, nin defensa nin atacante, chegou a tocar.

No minuto 69, o colexiado anulou un gol a Mollejo, por falta sobre Tomeu Nadal. O extremo debutante cabeceou con potencia un centro de David Simón, que o porteiro visitante rexeitou como puido. O balón quedou colgado na área pequena e, cando caía, Mollejo rematouno ao fondo das mallas pero apoiándose en Tomeu Nadal.

Cinco minutos despois, a instancias de Areces Franco, desde o VOR, a colexiado Milla Alvendiz consultou na pantalla do VAR unhas posibles mans dentro da área de David Simón, após un remate de Zozulia.

Despois de varios minutos, primeiro escoitando ao seu axudante de televisión e logo visionando el mesmo as imaxes, o árbitro sinalou o punto de penalti. Con todo, as diversas repeticións que se puideron ver no sinal televisivo non deixaron unha sensación unánime nin clara de que esas mans existisen. Susaeta enganou a Dani Giménez para adiantar ao conxunto manchego.

Nos minutos seguintes, o Deportivo mantivo o dominio exercido durante toda a segunda parte. O mesmo acentuouse despois de que Fran García vise dous cartóns amarelos practicamente consecutivas. O Dépor ía afrontar os últimos 7 minutos máis o tempo engadido cun xogador máis.

As continuas perdas de tempo do Albacete cortaron en demasía o xogo no tramo final. Christian Santos, recentemente superado o minuto 90, gozou dunha clara oportunidade, nun centro de Salva Ruiz que o venezolano cabeceou moi desviado.

A gran opción deportivista chegou no cuarto minuto de desconto, no que unha elaborada acción polo extremo dereito acabou cun pase da morte de David Simón que Beto da Silva rematou co seu pé dereito. Con todo, o traveseiro repeleu novamente a pelota.

O peruano entrara a dez minutos do 90, como pouco antes fíxoo Saša Jovanović. Deste xeito, o Deportivo acabou o partido con 5 xogadores que apenas adestraron en 3 ou 4 sesións cos seus novos compañeiros.

Con esta derrota, o equipo branquiazul segue unha semana máis con 3 puntos na súa marcadora.

RC Deportivo: Dani Giménez, David Simón, Lampropoulos, Montero, Salva Ruiz, Álex Bergantiños, Vicente Gómez (Beto da Silva, min. 79), Mollejo, Aketxe, Borja Galán (Jovanović, min. 63) e Koné (Christian Santos, min. 59).

Albacete Balompié: Tomeu Nadal, Alberto Benito, Arroyo, Kecojević (Caro, min. 65), Fran García, Barri, Karim Azamoum (Eddy Silvestre, min. 64), Olabe (Capezzi, min. 86), Susaeta, Zozulia e Dani Ojeda.

Gol: 0-1 Susaeta, de penalti (min. 76).

Árbitro: Milla Alvendiz (c. andaluz). Expulsou a Fran García (min. 83) por dobre cartón amarelo. Cartón amarelo a Kecojević (min. 27), Olabe (min. 39), Barri (min. 57), David Simón (min. 75) e Fran García (min. 77).

Incidencias: partido da 4ª xornada de LaLiga SmartBank disputado no Estadio ABANCA-RIAZOR ante 15.249 espectadores.

RCD / J4 LaLiga SmartBank

  • Dani Giménez
  • Francisco Montero
  • Salva Ruiz
  • David Simón
  • Vasilios Lampropoulos
  • Victor Mollejo
  • Álex Bergantiños
  • Borja Galán (63')
  • Vicente Gómez (79')
  • Aketxe
  • Koné (59')

Suplentes

  • Christian Santos (59')
  • Beto da Silva (79')
  • Luis Ruiz
  • David Sánchez
  • Koke
  • Jovanović (63')
  • Eneko Bóveda
  • T. Nadal
  • Fran García
  • Kecojevic (65')
  • A. Benito
  • A. Arroyo
  • Susaeta
  • Karim (64')
  • Barri
  • Olabe (85')
  • Ojeda
  • Zozulia

Suplentes

  • Manu Fuster
  • Álvaro Jiménez
  • Leonardo Capezzi (85')
  • Gabriel Brazão
  • Acuña
  • Caro (65')
  • E. Silvestre (64')

Estadio

Estadio ABANCA-RIAZOR

Goles

  • 0-1 (76'). Susaeta (p)

Árbitro

amoestou aDavid Simón (75') do RC Deportivo y Kecojevic (27'), Olabe (39'), Barri (57'), Fran García (77')(83') do Albacete BP.

RCD / Vídeo

RCD / Vídeo

RCD / Vídeo

Valora a #osnosos no #DéporAlbacete

AGER AKETXE
6,5
#ANOSAFORZA
6,5
ÁLEX BERGANTIÑOS
6,2
DANI GIMÉNEZ
5,5
MOLLEJO
5,4
SALVA RUIZ
5,1
CHRISTIAN SANTOS
5,1
JAVI MONTERO
5,0
BETO DA SILVA
4,9
MAMADOU KONÉ
4,6
BORJA GALÁN
4,5
LAMPROPOULOS
4,3
VICENTE GÓMEZ
4,1
DAVID SIMÓN
4,0
JOVANOVIĆ
4,0
EQUIPO TÉCNICO
3,5
EQUIPO ARBITRAL
3,3
O periodo de votación finalizou o 13-09-2019 12:00.