Os Veteranos do RC Deportivo xogarán o vindeiro domingo, día 18 de xuño, fronte ao Club Deportivo Cristal o Memorial Moussa Cissé, en recordo do rapaz falecido en augas do Orzán o pasado 14 de abril.
O Club Deportivo Cristal, equipo ao que pertencía Moussa Cissé, organiza o encontro, no que o RC Deportivo colabora coa participación do seu equipo de veteranos. O encontro disputarase no Campo 1 da Cidade Deportiva da Torre, ás 18:00 horas.
O RC Deportivo xa colaborou co Club Deportivo Cristal e a familia de Moussa Cissé no partido do 15 de abril fronte ao Málaga en Riazor, no que o deportivismo mostrou o seu lado máis solidario para doar o diñeiro suficiente para a repatriación do mozo senegalés.
