Pablo García Taboada (A Coruña, 23 de xaneiro de 2008), lateral do Cadete de División de Honra, está concentrado coa selección española sub-15 no torneo Football Federations Cup, que se xoga en Alacante até mañá venres 9 de decembro.
O segundo partido para o canteirán branquiazul neste trofeo será precisamente mañá ás 11:00 fronte a México en La Nucía.
Onte mércores, Arabia Saudita en Benidorm foi o primeiro rival dos españois e de Pablo García, que debutou e súmase así á lista de internacionais de #ANOSACANTEIRA.
O futbolista coruñés disputou os 90 minutos aínda que o sabor foi agridoce, posto que a selección española caeu (0-1) cun gol saudita no minuto 88.
O calendario de España, cos resultados dos xa xogados, é o seguinte:
Mércores 7 de decembro ESPAÑA 0 - ARABIA SAUDITA 1
Venres 9 de decembro 11:00: ESPAÑA - MÉXICO, no Estadi Olímpic Camilo Cano de La Nucía
Pablo García pertence ao cadro do Cadete que lidera a División de Honra con 5 puntos de vantaxe sobre o segundo clasificado, o RC Celta.
A consecuencia deste torneo, o defensor branquiazul foi baixa no partido ligueiro do seu equipo onte mércores en Abegondo ante o Pontevedra CF.
#ANOSACANTEIRA volve estar no punto de mira das categorías inferiores da selección española porque recentemente o dianteiro do Xuvenil A Kevin Sánchez participou coa sub-18 en dous partidos amigables ante Suíza na Ciudad del Fútbol de Las Rozas e o atacante do Cadete, José Rey, gañou coa sub-16 o torneo Football Federations Cup.