Alba Merino será intervida cirurxicamente este mércores 13 de outubro no Hospital QuirónSalud A Coruña polo doutor Juan Trobajo para resolver as molestias que viña arrastrando no menisco do seu xeonllo dereito.
A capitá do Deportivo ABANCA permanecerá ingresada no citado centro hospitalario até o xoves 14 de outubro, data na que será dada de alta hospitalaria e comezará o seu proceso de recuperación, cuxos prazos serán determinados na propia cirurxía.
