Carles Gil foi sometido a probas médicas para ditaminar o alcance exacto das molestias que lle obrigaron a rebaixar a intensidade do adestramento onte xoves. Os Servizos Médicos do Club diagnosticáronlle unha escordadura do ligamento lateral externo do seu xeonllo esquerdo.
Estará uns días con repouso deportivo, con tratamento médico e de fisioterapia. A continuación, e sempre dependendo da evolución do futbolista, pasará a unha segunda fase de readaptación deportiva, ás ordes do readaptador Fran Molano, como paso previo ao seu regreso aos adestramentos co grupo.
