Fede Cartabia foi sometido onte a probas médicas complementarias no hospital HM Modelo da Coruña para ditaminar as molestias musculares que o manteñen fóra dos adestramentos.
Os Servizos Médicos do Club diagnosticáronlle unha lesión de grao 1 no flexor longo do primeiro dedo do seu pé dereito.
O futbolista branquiazul inicia unha etapa de tratamento médico e de fisioterapia. Segundo evolución, pasará a continuación a adestrarse co readaptador, Pablo López; paso previo ao seu regreso ao fútbol de competición.