Rubén Martínez sufriu, no transcurso do adestramento de onte venres 1 de setembro en Abegondo, unha lesión no ligamento colateral cubital da articulación metacarpo falángica do seu pulgar dereito.
Precisará permanecer con el inmobilizado durante o período de cicatrización, aproximadamente unhas 4 semanas, como paso previo a comezar o tratamento de fisioterapia e reeducación deportiva, necesarios antes do seu regreso aos adestramentos.