No transcurso da primeira parte do partido do pasado sábado no Estadio ABANCA-RIAZOR ante o Levante, Sidnei Rechel sufriu unha lesión muscular de grao 1 na rexión miotendinosa proximal da porción curta do bíceps crural esquerdo, segundo aprecian os Servizos Médicos do Club na resonancia magnética realizada hoxe no Hospital HM Modelo da Coruña.
O central deportivista inicia tratamento médico e de fisioterapia. Segundo a súa evolución, irá realizando os protocolos individualizados adecuados co readaptador Fran Molano, até o seu reingreso nos adestramentos de equipo.
