A maioría dos partidos do Deportivo ABANCA no campo principal de Abegondo seguen o mesmo guión.
O rival plántase con dez xogadoras diante da súa área, esperando a que pasen os minutos.
As branquiazuis só teñen que ter un pouco de paciencia para abrir a muralla visitante. Unha vez marcado o primeiro, a partir de aí trátase de ir sumando goles sen apenas resposta do rival, cada vez máis desgastado en tarefas defensivas.
Isto foi o que sucedeu esta mañá ante o CD Oceja (8-1), en partido correspondente á 9ª xornada no grupo 1º de Segunda División Nacional.
As deportivistas marcaron o seu primeiro gol xa aos 3 minutos de xogo, grazas a Ali Muñoz. Logo chegaron os tantos de Kika -2-, de novo Ali, Gaby, Alba Merino, Erika e Yamamoto, que saltou ao campo no minuto 72 e debutou nas filas branquiazuis estreando a súa marcadora goleadora.
Con este resultado, o Deportivo ABANCA é líder do grupo con 25 puntos, os mesmos que o Oviedo Moderno, ao que supera por mellor diferencia de goles: +48 as deportivistas por +30 as ovetenses.
Deportivo ABANCA: Malena, Raquel, Silvia Mérida, Laura, Kika, Iris, Nuria, Lía, Michelle Romero, Ali Muñoz e Gaby. Tamén xogaron: Alba Merino, Peke, Erika e Yamamoto.
En 15 días, o Deportivo ABANCA visita ao Victoria FC de Santiago. A próxima semana toca debut na Copa Galicia, en Vigo ante o Sárdoma.
A temporada transcorre así para o equipo que prepara Manu Sánchez:
Deportivo ABANCA 2 (Lía e Peke) - PM Friol CD Lugo 2
Victoria CF 0 - Deportivo ABANCA 7 (Teresa, Michelle Romero, Peke, Iris, Lía, Gaby e unha futbolista rival en propia meta)
Deportivo ABANCA 9 (Peke, Érika, Teresa, Iris -3-, Silvia Mérida e Kika -2-) - CD Monte 0
Atlético Arousana 0 - Deportivo ABANCA 8 (Érika, Peke, Teresa -2-, Gaby -2-, Carlota e unha futbolista rival en propia meta)
Deportivo ABANCA 5 (Gaby -2-, Miriam e Kika -2-) - CDE Rácing Féminas 1
Sporting de Gijón 3 - Deportivo ABANCA 4 (Michelle Romero -2-, Peke e Alba Merino)
Deportivo ABANCA 7 (Gaby -5-, Alba Merino e Érika) - Gijón FF 0
CD Valladares 0 - Deportivo ABANCA 5 (Michelle Romero, Ali, Nuria Rábano -2- e Peke)
Deportivo ABANCA 8 (Ali Muñoz -2-, Kika -2-, Gaby, Alba Merino, Erika e Yamamoto) - CD Oceja 1
