Pedro Mosquera, pendente dunha proba médica esta tarde, foi a única ausencia do partido once para once que dispuxo Pepe Mel esta mañá no Estadio de Riazor, nun adestramento a porta pechada.
Os demais membros do primeiro cadro, incluídos Sidnei e Kakuta (ausentes onte mércores), exercitáronse con total normalidade.
Nesta ocasión, Edu foi o único fabrilista que estivo co primeiro equipo.
Mañá venres, o equipo regresa a Abegondo, nun adestramento lixeiro que arrancará ás 10:30 horas.
