A xogadora do Dépor ABANCA Patri López conseguiu a maior goleada dos oitavos de final, 10-6 ao Madrid CFF, o que se traduce na maior achega solidaria da primeira fase. Nela anotáronse unha total de 60 goles, o que supón unha suma de 30.000 euros que irá destinada para a doazón de material de protección ao persoal sanitario a través da ONG Médicos do Mundo
O primeiro torneo feminino online de FIFA 20, Gamher, organizado pola Real Federación Española de Fútbol e Iberdrola con xogadoras da Primeira Iberdrola xa completou a rolda previa. Nela, os emocionantes duelos depararon os seguintes resultados:
Esta choiva de goles trae as mellores consecuencias, xa que, por cada gol marcado, Iberdrola doou 500 € para dotar de material de protección ao persoal sanitario a través da ONG Médicos do Mundo. Os 60 goles anotados polas xogadoras da Primeira Iberdrola lograron sumar 30.000 € para tan boa causa.
Ademais, ao longo do evento incentivaranse as doazóns de particulares, empresas e público xeral que se queiran unir á causa de Médicos do Mundo, que se poderán realizar a través da plataforma WORLDCOO:
Próximas roldas
Os cuartos de final e semifinais terán lugar o día 1 de maio a partir das 18:00 horas e a final nacional está prevista para o día 3 de maio á mesma hora.
A partir dese momento, comezará a fase internacional, coa final que enfrontará ás dúas seleccións, a española e a estranxeira, a través das súas xogadoras representantes, o 8 de maio.
