Pedro Antonio Sánchez Moñino (Aspe, Alacante, 12 de decembro de 1986) foi presentado esta mañá como novo xogador do Real Club Deportivo para as dúas próximas temporadas.
O futbolista valenciano pousou en primeiro lugar para os medios gráficos coa camiseta branquiazul no campo 1 da cidade deportiva.
A continuación, pasouse pola sala de prensa, acompañado polo Director Deportivo, Carmelo del Pozo.
Confesou Pedro sentirse "moi contento e ilusionado por estar neste gran Club. Agora empeza a rodar o balón que é o que importa".
Tivo claro o novo atacante branquiazul que "cando chámate un equipo como o Deportivo impresiónache e ilusiónate para demostrar todo o que ti tes, e poder darllo a este Club".
É máis, di que o Dépor "é o Real Madrid da Segunda División. Este Club por dentro e por fóra impresionoume os 4 días que levo aquí. Encantoume tanto a min como á miña familia. Iso hai que devolverllo con traballo, moita humildade e moita ilusión para poder conseguir este obxectivo".
Ademais, ten claro que esa condición de equipo grande en LaLiga 1|2|3 non leva ningunha presión: "Pásolla a outros. Eu non teño presión".
Recoñece que "todos os que estamos neste vestiario temos o obxectivo moi claro. Hai que ir paso a paso. Isto é moi difícil. Temos que ter os pés no chan. Imos ir amodo, sabendo cada un o que temos que facer".
Pon como exemplo ao Granada, o seu equipo da pasada temporada tamén recentemente descendido de Primeira: "Foron pequenos detalles que determinan estar arriba ou loitar por nada. Tiñamos un bo cadro por xogadores e por todo. Ao final por circunstancias do fútbol, a Segunda División faite non estar a pelexar cos mellores".
Pide por esta motivo "tranquilidade. Sabendo que isto é moi longo, ir pasiño a pasiño. Apertando os dentes a tope".
Lembra que a Segunda División "non é igual que a Primeira. En Segunda pode gañarte calquera equipo. Por iso hai que ter humildade e saber a que campo vas".
Cre fundamental "valorar onde estamos para poder conseguir o mellor de cada un; e estar o máis positivos cada un porque nos vai a axudar".
Incide en que é unha categoría "moi longa e moi difícil. Vai haber momentos bos e malos. Oxalá me equivoque e sexa todo bonito, pero é moi difícil iso. Hai que ter unha regularidade para tentar nos últimos 10 partidos estar a pelexar por arriba, ou polo playoff. Esperemos poder cumprilo".
No persoal, defínese como un futbolista "con moita humildade, moito traballo, sacrificio. Vou dar o máximo de min para que o equipo poida conseguir esa vitoria domingo após domingo".
Finalmente, parécelle a Pedro Sánchez "sensacional" o feito de que o equipo almorce e coma cada día xuntos nun comedor habilitado para iso na cidade deportiva: "Paréceme unha idea incrible, súper boa porque á vez nos coñecemos moito máis, estamos máis preto uns doutros; e iso agradécese á hora de competir cada domingo".