RCDeportivo RCDeportivo RCDeportivo
Skip to main content
GL
PORTADA

José Luis Martí, novo adestrador do Deportivo

José Luis Martí Soler (Palma de Mallorca, 28 de abril de 1975) converteuse este mediodía en novo adestrador do Real Club Deportivo.

Exfutbolista profesional, Martí comezou a súa andaina nos bancos meses despois da súa retirada dos terreos de xogo con 40 anos, dirixindo durante dúas temporadas e media ao CD Tenerife, para acumular un total de 108 partidos en LaLiga 1|2|3.

Antes, como centrocampista, defendera as camisetas de Mallorca, Tenerife, Sevilla e Real Sociedad, acumulando case 700 partidos na elite e catro títulos no seu palmarés: Copa do Rei, Copa da UEFA e as supercopas de España e Europa, todos eles co Sevilla FC.

O técnico balear será presentado esta tarde no Estadio ABANCA-RIAZOR e dirixirá mañá en Abegondo a súa primeira sesión de traballo á fronte do Real Club Deportivo para preparar o choque que deberá afrontar no seu debut no banco branquiazul, o sábado ás 18:00 h. no Sadar (Movistar Partidazo), contra o CA Osasuna.