A quinta semana do DéporCampus Cabreiroá 2018 de Abegondo arrancará o vindeiro luns 23 de xullo. As inscricións para esta quinta quenda pecharanse exactamente dentro de dous días, o xoves 19 ao mediodía.
Podes atopar toda a información dos DéporCampus Cabreiroá en deporcampus.rcdeportivo.es/gl
Unha semana máis, os rapaces e rapazas participantes de entre 6 e 14 anos nos DéporCampus Cabreiroá 2018 estarán protexidos dos raios do sol por Acofar DERM. Grazas á colaboración da Farmacia Labañou, Acofar DERM proporciona protección solar a todos os nenos e nenas que acoden cada día a cada unha das sedes dos DéporCampus 2018.
Os DéporCampus Cabreiroá creceron de forma exponencial desde a chegada do actual consello de administración do RC Deportivo. Dun campus cunha única sede e menos dun centenar de nenos e nenas en 2013 pasáronse ás actuais 15 localizacións. Este verán estréanse 6 sedes: Ourense, Cuntis, Dumbría, Boiro, Camargo (Cantabria) e Plasencia (Cáceres), que se suman ás xa existentes en Abegondo, Viveiro, Bertamiráns, Caranza, Monforte, As Pontes, Ordes, Zas e Xenebra (Suíza).
