A sala de prensa do Reitorado da Universidade da Coruña acolleu este mediodía a presentación do 20º DéporCampus Mauro Silva, que como desde hai dúas décadas terá lugar o luns, martes e mércores de Semana Santa e que desde a edición de 2018 une as marcas da Universidade e o Real Club Deportivo coas súas insignias DéporCampus e Campus Mauro Silva.
O reitor da Universidade da Coruña, Xulio Abalde, o conselleiro do Real Club Deportivo, Martín Pita e o director do DéporCampus Mauro Silva e exjugador do Dépor, Roberto Taibo, foron os encargados de presentar a actividade.
Dirixido a nenos e nenas entre 4 e 12 anos, celebrarase os próximos 15, 16 e 17 de abril na Facultade de Ciencias do Deporte e a Educación Física (INEF Galicia) de Bastiagueiro. As inscricións, con prazas limitadas, pódense tramitar entre hoxe e o 10 de abril. TODA A INFORMACIÓN DO DÉPOR CAMPUS MAURO SILVA ESTÁ DISPOÑIBLE AQUÍ, en www.rcdeportivo.es/deporcampusmaurosilva.
Esta é a actividade social central do Deportivo en Semana Santa, un DéporCampus Mauro Silva que completa a oferta de actividades para os máis pequenos que tamén se ofrecen no verán e nadal a través dos DéporCampus Cabreiroá.
