RCDeportivo RCDeportivo RCDeportivo
Skip to main content
GL
PORTADA

Presentado o Dépor Campus Cabreiroá Caranza 2020

A sede do club Galicia de Caranza acolleu a presentación do Dépor Campus Cabreiroá de verán que se realizará na cidade de Ferrol na última semana de xullo de 2020.

O acto tivo lugar coa presenza de Pepe Janeiro, presidente Afafe; Kike Soto, presidente do Galicia de Caranza; Antonio Golpe, concelleiro de deportes do Concello de Ferrol; José Mahía, coordinador do Galicia de Caranza; e Pablo Barros, director das actividades formativas da Fundación Real Club Deportivo.

Os días de actividade serán do 27 ao 31 de xullo, para nenas e nenos entre os 6 e os 14 anos e as inscricións atópanse abertas en deporcampus.rcdeportivo.es/gl até o mediodía do xoves 23 de xullo. Nesa mesma dirección atópase toda a información relativa ao Dépor Campus Cabreiroá de Caranza 2020.