Torres do Allo acolleu a presentación do Dépor Campus Cabreiroá de verán que realizará a localidade Zas na cuarta semana de xullo de 2020.
O acto tivo lugar coa presenza de Manuel Muíño, alcalde de Zas, Rebeca Facal, presidenta do CD Baio, Chema Rei, presidente do CD Concello de Zas, Emilio Corzón coordinador do CD Concello de Zas e Pablo Barros, coordinador das actividades formativas da Fundación Real Club Deportivo.
Os días de actividade serán do 27 ao 31 de xullo, para nenas e nenos entre os 6 e os 14 anos e as inscricións xa se atopan abertas en deporcampus.rcdeportivo.es até o mediodía do xoves 23 de xullo. Nesa mesma dirección atópase toda a información relativa ao Dépor Campus Cabreiroá de Zas 2020.
