Primeira cita de pretemporada e primeira vitoria para o Xuvenil A
O Xuvenil A disputou esta tarde o seu primeiro amigable de pretemporada. O rival, en Abegondo, foi a SD Compostela, equipo recentemente ascendido á División de Honra.
Moitos dos integrantes deste cadro atópanse adestrando e competindo esta pretemporada ben co Fabril (Dani Barcia...) ou ben co primeiro equipo (Nájera, Noel...)
Aínda que neste tipo de partidos o resultado é o de menos, o triunfo foi branquiazul (4-3), grazas aos goles de Martín Ochoa -2-, Diego Gómez e Hugo Baldomar.
Xuvenil A: Lemos, Álvaro Mardones, Mauro, Mato, Mario, Embid, Nils, Hugo Baldomar, Martín Ochoa, Diego e Garaboa. Tamén xogaron: Montero, Rubén, Pablo Trigo, Nico e Vilela.
Arrinca así unha pretemporada histórica para o equipo coa súa participación esta campaña na UEFA Youth League, no que supón o retorno do Club a competicións europeas desde o ano 2009.
A próxima cita deste verán para o Xuvenil A será este sábado 7 de agosto ás 18:30 no campo de O Carral ante o Sofán SD, equipo recentemente ascendido á nova categoría de 3ª RFEF.
O calendario xa confirmado de partidos para o Xuvenil A, co resultado dos partidos xa xogados, é o seguinte:
Xuvenil A 4 (Martín Ochoa -2-, David Gómez e Hugo Baldomar) - SD Compostela 3 SD Sofán (3ª RFEF) - Xuvenil A, sábado 7 de agosto, 18:30 h., campo de O Carral (Sofán, Carballo)