- Foto: fedefutbol.com -
As xogadoras do Deportivo ABANCA Noelia Bermúdez e Stephannie Blanco están concentradas coa selección de Costa Rica até o mércores 24 deste mes de febreiro.
O combinado 'tico' disputará dous partidos amigables ante México nestes días. O primeiro deles será mañá sábado 20 de febreiro. O choque xogarase finalmente no Estadio Azteca ás 13:00 (hora local, 20:00 en España).
A segunda cita para Costa Rica ante o equipo nacional mexicano será o martes 23 de febreiro, á mesma hora pero no Centro de Alto Rendimiento de la Federación Mexicana.
Tanto Stephannie como Noelia Bermúdez non se perderán ningún partido co Deportivo ABANCA posto que esta fin de semana non hai xornada na Primera Iberdrola.
A seguinte cita ligueira para o equipo de Manu Sánchez será o domingo 28 ante o Rayo Vallecano en Vallecas, en partido aprazado no seu día e correspondente á 7ª xornada.
