Quique González estreouse esta tarde como novo xogador do RC Deportivo, despois de superar as probas médicas esta mañá no Hospital HM Modelo da Coruña.
O novo dianteiro deportivista arrincou ademais a súa etapa como branquiazul cun exercicio de finalizacións e movementos ofensivos, xunto a Fede Cartabia e Christian Santos.
A continuación, Natxo González dispuxo unha tarefa táctica no campo 2 e, para concluír, houbo series de potencia aeróbica dirixidos polos preparadores fisicos Julio Hernando e José Ángel Franganillo.
Non estivo esta tarde Diego Rolan, con permiso do Club; nin Celso Borges.
Traballaron á marxe do grupo Borja Vale, Gerard Valentín, Dubarbier, Bicho, Álex Cobo e Carlos López. Francis estivo ás ordes do readaptador Fran Molano.
Primeiro adestramento co Dépor de Schär e Krohn-Dehli após o Mundial de Rusia
Dous do tres internacionais citados para hoxe, Fabian Schär e Michael Krohn-Dehli, foron as novidades no regreso aos adestramentos do Dépor en Abegondo. O terceiro, Celso Borges, non acudiu esta mañá á Cidade Deportiva.
Tanto o central suízo como o centrocampista danés, presentes no último Mundial de Rusia, realizaron unha parte da sesión, que transcorreu ademais baixo unha intensa calor. Tamén estivo Sidnei ás ordes de Natxo González.
Adestráronse á marxe do grupo Borja Valle, cunha fascitis plantar; Gerard Valentín, con molestias nos isquiotibiais; Bicho, con molestias nun cuádriceps pendente de avaliación médica; e Dubarbier, cunha contusión nun xeonllo sufrido o pasado sábado no amigable ante o Fabril. Ademais, Carlos López adestrouse co readaptador, Fran Molano.
Esta mañá, após un quecemento, os futbolistas realizaron un circuíto físico con entradas por banda finalizacións, uns rondos e un exercicio de posesión.
Pola tarde, o primeiro equipo volve ao traballo ás 18:30 horas. Estará tamén Quique González. O dianteiro superou hoxe pola mañá o recoñecemento médico no Hospital HM Modelo e xa comeu cos seus novos compañeiros no comedor habilitado para tal fin na Cidade Deportiva.
