Pepe Mel tomou esta tarde as rendas do Deportivo, a 48 horas da visita do Atlético de Madrid a Riazor (xoves 2 de marzo ás 20:45, Bein Sports).
Pasados uns minutos das 17:00 horas, os futbolistas branquiazuis, incluído o fabrilista Nacho Monsalve, saltaron ao céspede do campo 3 da cidade deportiva. Numeroso público presenciou nas bancadas e nos arredores de Abegondo a estrea do técnico madrileño.
Tras un quecemento, houbo un traballo de posesión e un partido once para once, no campo 2, con Pepe Mel dando continuas instrucións.
Mañá mércores, o plantel está citado en Abegondo ás 11:00 horas.
