O brillante campión de España, o Xuvenil A, regresou esta mañá a Abegondo após completar onte mércores 28 de xullo as diversas probas médicas no Centro QuirónSalud A Coruña de ABANCA-RIAZOR.
Arrancou así unha temporada histórica para o equipo coa súa participación na UEFA Youth League, no que supón o retorno do Club a competicións europeas desde o ano 2009.
Manuel Pablo, un dos futbolistas máis queridos por #ANOSAFORZA, colle as rendas do equipo en substitución de Óscar Gilsanz, que se fixo cargo do Fabril. Completan o corpo técnico: Juan Villamisar (segundo adestrador), Fran Varela (preparador físico), Javier Núñez (delegado), e Javier Rodríguez (utilero).
Esta mañá, Antonio Couceiro, Presidente do Deportivo, deu a benvida ao equipo nun sinxelo acto celebrado na bancada principal de Abegondo, ao aire libre pola pandemia de COVID-19. Tamén tomaron a palabra Fran González, Director de #ANOSACANTEIRA; e Carlos Lariño, xefe dos Servizos Médicos do Club, que pediu aos novos futbolistas prudencia e responsabilidade.
O tradicional posado de grupo ante os medios de comunicación no campo principal da Cidade Deportiva serviu de inicio da sesión de adestramento, primeira deste verán.
Estiveron citados os seguintes xogadores:
-Porteiros: Rodrigo Toja e Nuno Rivero
-Defensas: Ignacio Díaz-Caneja, Manu Berrocal, Mauro Figueroa, Seydiba Mendes, Manuel Mato, Mario Vázquez, Nicolás Casalderrey, Adrián Ogando, Noah Rodríguez e Manuel Rivas (procedente da SD Compostela)
-Centrocampistas: Álvaro Embid, Diego Gómez, Rubén López, Nils Guve, Alejandro Montero e Carlos Rodríguez
-Atacantes: Hugo Baldomar, Martín Ochoa, Alejandro José Martínez, Pablo Trigo e Pablo Pérez (procedente do Ural CF) e Álvaro Mardones
Ademais, estes futbolistas de categoría xuvenil adéstranse ou ben no RC Deportivo ou ben no Fabril: Dani Barcia, Trilli, Brais Suárez, Noel López, Hugo Lemos, Hugo Ríos, Jairo Noriega, David Mella, Mario Nájera, Hugo Urdiales e Hugo Padín.
