O Xuvenil A tivo hoxe sábado unha nova cita de pretemporada. Foi na Cidade Deportiva ante o CSD Arzúa de Rexional Preferente.
O triunfo caeu ao lado deportivista (4-3) despois de 90 entretidos minutos. Barba, Kilian, Gonçalo Oliveira e Borja foron os autores dos goles branquiazuis.
A tónica foi a habitual neste tipo de partidos, con carrusel de cambios co obxecto de coller rodaxe de cara ao comezo de liga no grupo 1º da División de Honra o próximo 2 de setembro, en horario por confirmar, ante o Atlético Perines.
A vindeira cita de pretemporada para o Xuvenil A será o mércores 8 no campo do Monte de San Tirso ante o conxunto local que milita na Rexional Preferente. O partido arrancará ás 19:00 horas.
Partidos confirmados de pretemporada do Xuvenil A:
Sábado 21 de xullo, Cidade Deportiva de Abegondo: Xuvenil A 0 - Laracha CF (Terceira División) 1
Martes 31 de xullo, Cidade Deportiva de Abegondo: Xuvenil A 1 (Sarmiento) - Polvorín (Terceira División) 3
Sábado 4 de agosto, Cidade Deportiva de Abegondo: Xuvenil A 4 (Kilian, Barba, Gonçalo Oliveira e Borja) - CSD Arzúa 3
Mércores 8 de agosto, campo do Monte (San Tirso), 19:00 horas: San Tirso SD (Preferente Norte) - Xuvenil A
