Primeiro triunfo de pretemporada para o Fabril a pesar das súas numerosas ausencias
O Fabril impúxose (2-0) hoxe mércores 3 de agosto ao Silva SD no campo 4 de Abegondo na súa primeira cita do verán.
O filial deportivista encarou o partido con moitas ausencias: Davo, lesionado; e Jairo, Brais Val, Martín Ochoa, Tim Caroutas, Marcel, Ángel Puerto, Mella e Yeremay, citados para o amigable do primeiro equipo en Vilalba ante a SD Ponferradina tamén esta tarde.
Tirando tamén do Xuvenil A de División de Honra, Óscar Gilsanz dispuxo un once distinto en cada tempo:
Primeira parte: Hugo Ríos, Currás, Dani Barcia, Barba, Fabio, Nájera, Iván, Garaboa, Seydiba, Jesús Ares e Manu Berrocal.
Segunda parte: Brais Suárez, Iano Simão, Fito, Alejandro Pereira, Rubén López, Diego Gómez, Iván, Padín, Iñaki, Hugo Baldomar e Quique Teijo.
Os goles, ambos na segunda metade, foron obra de Padín e Iván.
A próxima cita para o Fabril será este sábado 6 de agosto ás 11:00 en Abegondo ante a SD Arenteiro.