Quince institucións sociais gozaron da bancada solidaria de Riazor no Dépor-Betis da 21ª xornada de LaLiga
Contra os sevillanos, as entidades beneficiarias foron Proyecto Social de Fútbol Sala La Marola, Down Coruña, ACCEM, Casco Comité antisida, Fundación Érguete, Aspronaga, Terra Solidaria, Fundación Adcor, Hogar Sor Eusebia, Fundación Mujeres, Centro de Menores José Calasanz, Sport Sala Culleredo, Aspace Coruña, Cogami e ASN Coruña.
A Bancada Solidaria de Riazor dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención al Deportivista).
