Raúl Pescador Caballero ‘'Pesca'' (Pinto, 31 de xullo de 1999) converteuse esta mañá en novo xogador do Fabril para a próxima temporada.
Raúl Pescador, extremo destro que pode xogar en ambas as bandas, procede do Getafe "B", equipo co que participou en 18 partidos esta última campaña, a da súa estrea en Segunda División B.
Con anterioridade, Pescador iniciou a temporada 2018-2019 na EF Ciudad de Getafe, antes de incorporarse ás filas da AD Parla (Terceira División) en decembro de 2018. O xogador pinteño disputou 22 partidos no Parla, anotando seis goles.
Na súa etapa formativa, o extremo madrileño pasou polas estruturas de canteira da EF Atlético Casarrubuelos e do CD Yuncos, entre outros.
