Recuperación esta mañá para os titulares en Málaga
Os futbolistas titulares onte en Málaga tiveron esta mañá unha sesión de recuperación en Abegondo, con carreira continua e estiramentos sobre o céspede; e masaxe e ximnasio na cidade deportiva. Para o resto do persoal, o adestramento foi de alta intensidade, con rondos, un exercicio de finalizacións e un partido en espazo reducido.
Mañá luns 28 de novembro, o equipo adestrarase ás 17.00 horas en Abegondo, para preparar xa a visita ao Real Betis en Copa do Rei (dezaseisavos de final, ida) no Benito Villamarín (martes 29 de novembro, 22.00 horas, Bein Sports).