Os Reis Meigos serán branquiazuis mañá mércores 3 de xaneiro. Así, como é tradicional en cada arranque de ano, varios futbolistas do primeiro cadro e do Dépor Abanca pasaranse despois do adestramento, a partir das 13:30 h., polo Hospital Materno Infantil e pola Maternidade HM Belén para repartir ilusión, simpatía e agasallos deportivistas entre todos os nenos e nenas que desgraciadamente teñen que pasar estas datas ingresados.
Pedro Mosquera, Lucas Pérez, Florin Andone, Fernando Navarro, Borja Valle, Luisinho, Bruno Gama, Iris, Lía, Miriam, Peke, Nuria e Malena serán os protagonistas dunha mañá emocionante para os pequenos, as súas familias e o persoal sanitario.
