#ANOSACANTEIRA celebra os títulos de campión galego de fútbol 8 conquistados onte sábado en Mos (Pontevedra) polo Alevín A e o Benxamín A.
Desta forma, o Deportivo nas súas categorías inferiores suma 12 títulos, após os conseguidos tamén polo Infantil A (Liga Galega, grupo norte), Infantil B (Primeira Autonómica, grupo 1º), Alevín A (grupo 1º de Primeira Comarcal A Coruña, grupo norte do Trofeo Luís Calvo de fútbol once e Fase Intermedia do Campionato Galego), Alevín B (Segunda, grupo 1º; e Segunda Fase, grupo 1º), Benxamín A (Primeira Comarcal A Coruña, grupo 2º; e Fase Intermedia do Campionato Galego) e Benxamín B (Segunda Comarcal A Coruña).
O partido estrela da fin de semana foi a volta da primeira eliminatoria da Fase de Ascenso a LaLiga 1|2|3 entre o Fabril e o Extremadura, onte sábado en Abegondo.
Na ida en Almendralejo gañaron pola mínima os locais (2-1), que fixeron valer un frenético inicio de partido, cando se puxeron por diante no marcador con 2 tantos.
Nun duelo cheo de alternativas e de emoción, impúxose após unha prórroga o Fabril (3-2), que quedou apeado polo valor dobre dos goles en campo contrario: 1 do filial no Francisco de La Hera o pasado domingo e 2 do Extremadura onte na Cidade Deportiva.
Ademais, esta fin de semana concluíron a súa competición ligueira o Xuvenil B (0-0 en Pontevedra ante o Lérez), e medalla de bronce da categoría; e o Cadete B (2-1 onte en Abegondo fronte ao Ural B), cuarto final na táboa. Para o martes 29 de maio queda o encontro do Cadete A (en Abegondo ante o Calasanz), xa subcampión desde hai varias xornadas da División de Honra.
Tamén xogou en casa, en Ponte dos Brozos (Arteixo), o Deportivo ABANCA B, que superou (8-0) o Torre en cuartos de final da Copa de Primeira Autonómica Feminina. O cadro branquiazul pasa a semifinais, que se xogan a dobre partido. O seu rival será o Victoria CF B.
A xornada da fin de semana arrincou o pasado venres 25 de maio co partido da Segunda Comarcal Benxamín entre o Deportivo B e a Santa Cruz B (7-0), en Abegondo.
Os resultados da fin de semana foron os seguintes:
Fase de Ascenso a LaLiga 1|2|3
Primeira eliminatoria, volta: FABRIL 3 (Uxío, Edu Expósito e Carlos López) - EXTREMADURA, 2. Na ida: 1-2
Categoría feminina
Copa de Primeira Autonómica Feminina, cuartos de final: DEPORTIVO ABANCA B 8 (Michelle Romero -3-, Patri -2-, Vero, Alba Martinez e Ainhoa) - TORRE 0
Categoría xuvenil
Liga Nacional, 34ª xornada, última: LÉREZ 0 - XUVENIL B 0
Categoría cadete
División de Honra, 34ª xornada, última: CALASANZ - CADETE A, o martes 29 de maio ás 19:30 en Abegondo
Liga Galega, 34ª xornada, última: CADETE B 2 (Mouriño e Fito) - URAL B 1
Categoría alevín
Sábado 26 de maio
Fase Final do Campionato Galego nas Baloutas (Mos, Pontevedra)
Semifinal
ALEVÍN A 5 (David -2-, Lucas, Pablo e Samuel) - PORRIÑO INDUSTRIAL 1
Final
ALEVÍN A 2 (Pablo e Ayana) - LUGO 0
Categoría benxamín
Sábado 26 de maio
Fase Final do Campionato Galego nas Baloutas (Mos, Pontevedra)
Semifinal
BENXAMÍN A 3 (Diego, Anxo e Íker) - PABELLÓN OURENSE 1
Final
BENXAMÍN A 3 (Janusz -2- e Diego) - CELTA 1
Segunda Comarcal A Coruña, 29ª xornada: BENXAMÍN B 7 (Paulo -2-, Mauro -2-, Ronquete -2- e Caaveiro) - SANTA CRUZ B 0
