#ONOSODERBI xuvenil na División de Honra, subgrupo A, foi o partido máis destacado desta semana en #ANOSACANTEIRA. O encontro disputouse onte sábado na estrea da Cidade Deportiva Afouteza en Mos.
O Xuvenil A coouse na festa celeste, xa que o club vigués aproveitou o choque para inaugurar oficialmente as súas novas instalacións. Os goles de Peke e Do Carmo deron a volta a un partido que se puxo costa arriba para o Dépor na primeira metade co único tanto do RC Celta.
Hoxe domingo 29 xogáronse os outros dous choques previstos: o do Fabril (2-1 en Carballo) e o do Xuvenil B (3-0 fronte ao Pontevedra CF); posto que o Deportivo ABANCA B tivo descanso esta semana.
O filial deportivista non puido traer nada positivo da súa visita ás Eiroas. Un gol de Remeseiro no minuto 85 decantou para o Bergantiños FC un choque moi igualado.
Os resultados da fin de semana foron os seguintes:
Terceira División
Subgrupo A, 7ª xornada: BERGANTIÑOS FC 2 - FABRIL 1 (Boedo)
Categoría xuvenil
División de Honra, grupo 1º, subgrupo A, 5ª xornada: RC CELTA 1 - XUVENIL A 2 (Peke e Do Carmo)
Liga Nacional, grupo 1º, subgrupo A, 4ª xornada: XUVENIL B 3 (Martín Ochoa -2- e Trigo) - PONTEVEDRA CF 0
