O partido do Fabril ante o Bergantiños CF hoxe domingo 28 de febreiro foi o máis destacado da xornada da fin de semana en #ANOSACANTEIRA.
O choque celebrouse con 150 persoas na bancada de acordo ao establecido polas autoridades sanitarias.
O filial, con até catro xogadores en idade xuvenil no once inicial, fixo un bo partido pero dobrou o xeonllo ante un Bergantiños CF, líder do subgrupo, que aproveitou dúas xogadas nos últimos minutos para levar os tres puntos.
Tamén hoxe domingo, pero pola tarde, o Xuvenil A impúxose (4-3) nun espectacular partido ao Pabellón Ourense CF no subgrupo A da División de Honra.
Os branquiazuis atravesan un bo momento a pesar de que Óscar Gilsanz ve como varios dos seus xogadores adéstranse con asiduidade co Deportivo, caso de Dani Barcia, Brais ou Adrián; ou como outros teñen minutos co Fabril, como os catro convocados hoxe mesmo ante o Bergantiños CF: Trilli, Guille Bueno, Yeremay e Jairo.
Onte sábado en Abegondo xogaron e gañaron o Deportivo ABANCA B (6-0 ao Atlético Arousana) e o Xuvenil B (2-1 fronte ao CD Lugo B). Ambos os equipos están instalados na zona alta da clasificación dos seus respectivos subgrupos.
Os resultados da fin de semana foron os seguintes:
Terceira División
Subgrupo A, 18ª xornada: FABRIL 1 (Boedo) - BERGANTIÑOS CF 2
Categoría feminina
Primeira Nacional, subgrupo A, 15ª xornada: DEPORTIVO ABANCA B 6 (María Calvo, Navia, Andrea Ansede, Tati -2- e Sara Álvarez) - ATLÉTICO AROUSANA 0
Categoría xuvenil
División de Honra, subgrupo A, 17ª xornada: XUVENIL A 4 (Noel -2-, Nájera e Do Carmo) - PABELLÓN OURENSE CF 3
Liga Nacional, subgrupo A, 14ª xornada: XUVENIL B 2 (Martín Ochoa -2-) - CD LUGO B 1
