Os equipos coruñeses do Ural e o Victoria mediron as súas forzas contra cinco equipos de #ANOSACANTEIRA. O primeiro fronte a Xuvenil B (Liga Nacional), Cadete A (División de Honra) e Infantil B (Primeira Autonómica); e o segundo contra Cadete B (Liga Galega) e Infantil A (Liga Galega).
De todos eses partidos, tres foron en Abegondo. O primeiro deles foi o do Infantil B fronte ao Ural na xornada 16ª no grupo 1º da Primeira Autonómica, o pasado venres. Fronte a fronte estiveron os dous primeiros clasificados e os grandes aspirantes ao título. Venceu xustamente o Dépor (1-0), con gol de Álvaro.
Para onte sábado quedaron en Abegondo o Infantil A (3-0) e Cadete B (1-2); e en Elviña (A Coruña) o Xuvenil B (0-1) e Cadete A (0-3).
En Segunda División B, o Fabril empatou en Abegondo co Rápido de Bouzas (0-0). Malia non haber goles, o partido foi entretido e con moitas oportunidades na área viguesa, co meta visitante Brais como figura do partido.
Competiron lonxe de Abegondo nesta ocasión o Xuvenil A (1-2 hoxe en Nigrán) e Deportivo ABANCA B (0-3 en Tordoia).
Esta fin de semana tocou descanso para o Alevín B.
Os resultados da fin de semana foron os seguintes:
Segunda División B
17ª xornada: FABRIL 0 - RÁPIDO DE BOUZAS 0
Categoría feminina
Primeira Autonómica Feminina, 13ª xornada: TORDOIA 0 - DEPORTIVO ABANCA B 3 (Alba Pérez, Sara Iglesias e Vero)
Categoría xuvenil
División de Honra, 15ª xornada: VAL MIÑOR NIGRÁN 1 - XUVENIL A 2 (Porrúa e Javi Sandá)
Liga Nacional, 14ª xornada: URAL 0 - XUVENIL B 1 (Pichu)
Categoría cadete
División de Honra, 14ª xornada: URAL 0 - CADETE A 3 (Peke, Fito e Juanma)
Liga Galega, grupo 1º, 14ª xornada: CADETE B 1 (Hugo) - VICTORIA B 2
Categoría infantil
Liga Galega, grupo 1º, 14ª xornada: INFANTIL A 3 (Trigo, Roque e Álex González) - VICTORIA 0
Primeira Autonómica, grupo 1º, 16ª xornada: INFANTIL B 1 (Álvaro) - URAL B 0
Categoría alevín
Primeira Comarcal, grupo 1º, 8ª xornada: ALEVÍN A 8 (Álvaro -2-, Óscar -2-, Jorge, Luis, Héctor e Samuel) - OBRERO A 2
Categoría benxamín
Primeira Comarcal A Coruña, grupo 2º, 8ª xornada: BENXAMÍN A 7 (Janusz -2-, Anxo -3-, Diego e Éder) - ÓRDENES A 0
Segunda Comarcal A Coruña, 8ª xornada: OZA JUVENIL B 1 - BENXAMÍN B 7 (Paulo -3-, Ioan -2-, Christian, Uxío e Nico)