A festividade dos Reis Magos, onte sábado, fixo que todos os partidos desta primeira xornada de liga de 2018 en #ANOSACANTEIRA xogáranse hoxe domingo 7, salvo o Infantil B, que pasa o seu ante o Atlético Arteixo ao mércores 10 ás 19:00 horas.
O Fabril-Fuenlabrada en Abegondo foi o partido máis destacado. Fronte a fronte estiveron na Cidade Deportiva, para abrir a segunda volta, os dous equipos máis fiables na primeira no grupo 1º da Segunda División B. A vitoria foi para os madrileños (1-2), aínda que o partido puido ser de calquera dos dous equipos.
En Abegondo xogaron ademais o Xuvenil A (4-0) e Cadete A (2-0).
Na Coruña, fronte ao Ural, competiron o Cadete B (suspendido no descanso por insuficiente iluminación do campo da Leyma) e Infantil A (0-1); e en Ourense o Deportivo ABANCA B (1-3).
Non tiveron partido esta fin de semana o Xuvenil B, cuxa cita se xogou o pasado 22 de decembro; os dous equipos alevíns e o Benxamín B. Por contra, o Benxamín A iniciou con triunfo (1-0) ante o Calasanz A a Segunda Fase da Primeira Comarcal.
Os resultados desta primeira xornada do ano 2018 foron os seguintes:
Segunda División B
FABRIL 1 (Uxío) - FUENLABRADA 2
Categoría feminina
Primeira Autonómica Feminina, 15ª xornada: UD OURENSE 1 - DEPORTIVO ABANCA B 3 (Michelle, Lidia e Vero)
Categoría xuvenil
División de Honra, 18ª xornada: XUVENIL A 4 (Ortuño -2-, Boedo e Rojo) - LLANO 2000 0
Categoría cadete
División de Honra, 17ª xornada: CADETE A 2 (Fito e Mario) - CALASANZ 0
Liga Galega, grupo 1º, 17ª xornada: URAL B 0 - CADETE B 0, suspendido ao descanso por insuficiente iluminación
Categoría infantil
Liga Galega, grupo 1º, 17ª e última xornada: URAL 0 - INFANTIL A 1 (Quique)
Primeira Autonómica, grupo 1º, 19ª xornada: INFANTIL B - ATLÉTICO ARTEIXO, o mércores 10 de xaneiro ás 19:00 en Abegondo
Categoría benxamín
Segunda Fase da Primeira Comarcal, 1ª xornada: BENXAMÍN A 1 (Anxo) - CALASANZ A 0
