Resultados dos partidos oficiais hoxe sábado en #ANOSACANTEIRA e calendario para mañá domingo
Xuvenís e cadetes deportivistas, ademais do Infantil B, arrancan a competición ligueira esta fin de semana. Hoxe sábado houbo tres partidos e mañá domingo un.
Todos eles únense así ao Fabril, que visita ao CD Arenteiro mañá domingo 8 de setembro (18:00 horas), en partido correspondente xa á 3ª xornada no grupo 1º de Terceira División.
A xornada empezou onte venres co triunfo do Cadete A en Abegondo (4-0) ante o Bertamiráns FC. Foi o primeiro partido do conxunto deportivista na División de Honra, da que é vixente subcampión.
O outro encontro na Cidade Deportiva será o do Xuvenil B, que comeza a Liga Nacional mañá domingo 8 de setembro ás 12.00 ante o Alondras CF (campo 4).
Actuaron de visitantes o Xuvenil A (0-3 ao Real Avilés), o Cadete B (1-1 ante o CD Calasanz B) e o Infantil B (0-3 ao CD Obrero).
O calendario de partidos, cos resultados dos xa xogados, é o seguinte:
Terceira División 3ª xornada: CD ARENTEIRO - FABRIL, o domingo 8 de agosto ás 18:00 no Municipal Espiñedo do Carballiño
Categoría xuvenil División de Honra, 1ª xornada: REAL AVILÉS 0 - XUVENIL A 3 (Gonçalo Oliveira -2- e Edu Taboada)
Liga Nacional, 1ª xornada: XUVENIL B - ALONDRAS CF, mañá domingo 8 de setembro ás 12:00 en Abegondo (campo 4)
Categoría cadete División de Honra, 1ª xornada: CADETE A 4 (Martín -2- e Hugo Baldomar -2-) - BERTAMIRÁNS FC 0
Liga Galega, grupo 1º, 1ª xornada: CD CALASANZ B 1 - CADETE B 1 (Matos)
Categoría infantil Primeira Autonómica, grupo 1º, 1ª xornada: CD OBRERO 0 - INFANTIL B 3 (Adrián -2- e Íker Gil)