Segunda xornada dos torneos amigables do Nadal en #ANOSACANTEIRA, con competición hoxe para o Infantil A (en Huesca), Alevín A (en Oviedo) e Benxamín A (en Palma de Mallorca). Mañá sábado entra en xogo tamén o Alevín B, en Vigo.
O Infantil A pelexa mañá polo quinto posto da Aragón Cup
O Infantil A, que se acaba de proclamar campión do grupo norte da liga Galega, compite na Aragón Cup 2018, torneo que se desenvolve en Huesca desde onte xoves.
Após quedar apeado das semifinais na Primeira Fase, aínda sen perder ningún partido, o Infantil A xógase mañá sábado ante o Deportivo Alavés (10:00) a quinta praza.
O calendario de competición do equipo que dirixe David Lagar e Juan Villamisar é o seguinte:
Primeira Fase
Xoves 27 de decembro
SD HUESCA A 0 - INFANTIL A 0
EVERGRANDE FOOTBALL SCHOLL 1 - INFANTIL A 2 (Martín e Martiño)
Venres 28 de decembro
INFANTIL A 1 (Domínguez) - LACROSS BABEL CF 1
Partidos polo 5 ao 8 posto
INFANTIL A 4 (Mardones, Domínguez, Mella e Martín) - REAL ZARAGOZA 3
Sábado 29 de decembro
10:00: INFANTIL A - DEPORTIVO ALAVÉS (instalacións de San Jorge)
O Benxamín A xa está en oitavos da Palma Cup 2018
O Benxamín A participa en Palma de Mallorca na Palma Cup 2018.
O cadro deportivista ten como primeiros rivais a estes equipos: CD Cide, UD Arenal, SD La Salle e UD Poblense.
Hoxe venres tivo dobre cita. Superou ao CD Cide (0-1) pola mañá; e tamén puido co UD Poblense pola tarde (4-1).
A falta dun partido (mañá sábado) para concluír a Primeira Fase, o Benxamín A, con 3 partidos gañados de 3 xogados, xa está en oitavos de final.
O calendario do conxunto que prepara Pablo Barros, cos resultados dos xa xogados, é o seguinte:
Primeira Fase
Xoves 27 de decembro
BENXAMÍN A 2 (Gael e Iago Vázquez) - SD LA SALLE 0
Venres 28 de decembro
CD CIDE 0 - BENXAMÍN A 1 (Gael)
UD POBLENSE 1 - BENXAMÍN A 4 (Ioan -2-, Trigo e Íker)
Sábado 29 de decembro
10:00: BENXAMÍN A - UD ARENAL
Os dous primeiros de grupo, un deles o Benxamín A, acceden a oitavos de final, que se xogan a partir das 15:30 horas.
O Alevín A pasa á Fase Final en Oviedo
O Alevín A, recente campión da Primeira Comarcal A Coruña, interrompe o seu descanso do Nadal para participar na Copa Íntegra Enerxía en Oviedo.
O conxunto deportivista, que xoga os seus partidos nos campos de Tensi, ten como rivais na Primeira Fase ao Real Valladolid e a dous equipos que saíron dunha Fase Previa: Atlético de Lugones e EF Viesques.
Após gañar os seus dous primeiros partidos, o Alevín A xa está clasificado para oitavos de final, que se disputan mañá sábado.
O calendario de partidos do Alevín A, cos resultados dos xa xogados, é o seguinte:
Primeira Fase
Venres 28 de decembro
ALEVÍN A 3 (David, Daniel e Murilo) - ATLÉTICO DE LUGONES 2
ALEVÍN A 6 (Daniel, Marcos, Brais, Pedro, Jorge e un futbolista rival en propia meta) - EF VIESQUES 0
Sábado 29 de decembro
9:40: ALEVÍN A - REAL VALLADOLID (campo 2)
Os dous primeiros de grupo, xa o Alevín A, e o catro mellores terceiros do seis grupos pasan a oitavos de final, que arrincan ás 11:00 horas.
O 2018 péchase para o Alevín B en Vigo mañá sábado 29
O Alevín B despedirá 2018 na 3ª edición do Torneo do Nadal Concello de Vigo, que se xoga mañá sábado 29 de decembro no campo municipal de Pahiño (Navia).
O equipo que prepara Luis Pastur quedou encadrado no grupo 1, co FC Porto e o equipo campión do Torneo de Nadal 2018.
O calendario de partidos do Alevín B é o seguinte:
Primeira Fase
11:20: FC PORTO - ALEVÍN B (campo 1)
12:20: EQUIPO CAMPIÓN TORNEO NADAL - ALEVÍN B (campo 1)
O campión de grupo xogará a final (17:15) contra o campión do grupo 2. Os outros dous equipos pelexarán polo resto de posicións, a partir das 16:00 horas.
