Tres equipos de #ANOSACANTEIRA tiveron cita amigable hoxe mércores:
O Fabril, cun gol de Jairo, dobregou no campo 4 de Abegondo ao UD Somozas (1-0), un dos equipos punteiros de Tercera RFEF; o Xuvenil B caeu (2-1) co San Tirso de Preferente Autonómica no Monte; e o Cadete non puido co Bergantiños CF de categoría xuvenil (1-0), neste caso no seu primeiro exame estival.
Onte á noite, o Xuvenil A abriu o calendario ante o UD Paiosaco, de Tercera RFEF, na Porta Santa. Garaboa adiantou aos branquiazuis no minuto 17 e igualou o equipo local tralo descanso: 1-1.
Esta semana estréanse en pretemporada o Dépor ABANCA B (domingo en Ribadumia) ante o Umia CF do seu mesma categoría, Primeira Nacional; e o San Tirso SD cadete o sábado 13 (10:30 h.) ante o Bertamiráns FC no campo do equipo santiagués.
O calendario de partidos xa confirmados, sempre susceptible de sufrir variación nos próximos días, cos resultados dos xa xogados, é o seguinte:
Tercera RFEF
FABRIL 1 (Jairo) - UD SOMOZAS 0
FABRIL - BERGANTIÑOS CF, o sábado 13 de agosto ás 11:00 en Abegondo (campo 4)
Categoría feminina
UMIA CF - DEPORTIVO ABANCA B, o domingo 14 de agosto ás 11:00 no campo da Bouza (Barrantes, Ribadumia)
Categoría xuvenil
XUVENIL A 1 (Garaboa) - UD PAIOSACO 1
CD LALÍN, de Primeira Autonómica - XUVENIL A, o venres 12 de agosto ás 18:30 no Manuel Anxo Cortizo
SAN TIRSO SD, de Preferente Autonómica 2 - XUVENIL B 1 (David Domínguez)
XUVENIL B - CD CALASANZ A, o sábado 13 de agosto ás 10:00 en Abegondo
Categoría cadete
BERGANTIÑOS CF xuvenil 1 - CADETE 0
BERTAMIRÁNS FC - SAN TIRSO, o sábado 13 de agosto ás 10:30 no Municipal de Bertamiráns