RCD / NOVAS

Resultados en #ANOSACANTEIRA hoxe sábado e calendario de mañá domingo

09/10/2021 22:03

Gran xornada hoxe sábado na Cidade Deportiva, con tres interesantes encontros oficiais e todos eles saldados con triunfos deportivistas.

- #ONOSODERBI en Liga Nacional é un dos partidos destacados da fin de semana en #ANOSACANTEIRA. Dépor e Celta chegaban ao encontro igualados á fronte da clasificación con nove puntos de nove posibles. O deportivista Álvaro Mardones decidiu o partido (1-0) no minuto 80 para os branquiazuis, agora líderes en solitario con tres puntos de vantaxe.

- En Terceira RFEF estreou horario o Fabril, que recibiu ao CD Choco. O filial ten así máis tempo de descanso antes da nova cita ligueira do martes 12, día festivo, en Ourense. Os pupilos de Óscar Gilsanz reencontráronse coa vitoria despois da derrota, primeira da temporada, do pasado domingo en Lugo. Davo, ex xogador do CD Choco, marcou o único gol.

- Tamén xogou en Abegondo por segunda xornada consecutiva o Deportivo ABANCA B, esta vez ante a SD Villestro. Gañaron as branquiazuis (4-0), que derrubaron no minuto 80 o férreo muro visitante.

Os demais equipos compiten lonxe da Cidade Deportiva: Xuvenil A en Lugo (mañá domingo ás 12:00); Orzán SD Xuvenil Feminino, que empeza a liga en Primeira División Galega, en Tordoia (mañá domingo ás 12:00); Cadete na Coruña ante o Atlético Coruña Montañeros CF (0-9 hoxe sábado en San Pedro de Visma); e Infantil en Lugo (1-3 hoxe sábado).

Finalmente, seguiron con citas amigables os dous equipos alevíns e o Benxamín A; mentres que o Fabril FC Benxamín participou na novena edición do Memorial Manolo Carreira en Velle (Ourense). Os fabrilistas fixeron un bo torneo ante rivais de categoría superior; e foron eliminados en cuartos de final.

O calendario de partidos, cos resultados dos xa xogados, é o seguinte:

Terceira RFEF
5ª xornada: FABRIL 1 (Davo) - CD CHOCO 0

Categoría feminina
Primeira Nacional, grupo 1º, 5ª xornada: DEPORTIVO ABANCA B 4 (Noela, Trillo, Tati e Ansede) - SD VILLESTRO 0

Primeira División Galega, subgrupo A, 1ª xornada: SD TORDOIA - ORZÁN SD XUVENIL FEMININO, o domingo 10 de outubro ás 12:00 horas no campo da Rega (Tordoia)

Categoría xuvenil
División de Honra, 6ª xornada: CD LUGO - XUVENIL A, o domingo 10 de outubro ás 12:00 na Cheda

Liga Nacional, 4ª xornada: XUVENIL B 1 (Mardones) - RC CELTA B 0

Categoría cadete
División de Honra, subgrupo A, 2ª xornada: ATLÉTICO CORUÑA MONTAÑEROS CF 0 - CADETE 9 (Manu Ferreiro -2-, Guerrero, Juan Barros -2-, Pablo Parada, Noe, Lucas Taibo e Oreiro)

Categoría infantil
Liga Galega, subgrupo B norte, 2ª xornada: CD LUGO 1 - INFANTIL 3 (Diego -2- e Hugo)

Categoría alevín
Amigable: ALEVÍN A 3 (Martín Forján, Iago Lameiro e Antón) - CD CALASANZ 0

Amigable: SDCR NARÓN O FREIXO 2 - FABRIL FC ALEVÍN 6 (Hugo Caridade, Javi Barral -2-, Thiago, Manu Alcázar e Íker Obeso)

Categoría benxamín
Amigable: SDCR NARÓN O FREIXO 1 - BENXAMÍN A 4 (Álvaro Gómez, David Gómez e Jorge Fernández -2-)

IX Memorial Manolo Carreira en Monte dá Aira (Velle)
Sábado 9 de outubro
Primeira Fase
CD MACEDA 0 - FABRIL FC BENXAMÍN 1 (Álvaro)
FABRIL FC BENXAMÍN 2 (Thiago e Miguel) - CD VELLE 1
ADC POLÍGONO 1 - FABRIL FC BENXAMÍN 1 (Miguel)

Cuartos de final
FABRIL FC BENXAMÍN 0 - CD RÚA 1