O encontro da División de Honra entre o Cadete A e o CD Calasanz, onte venres, abriu o calendario de partidos da fin de semana en #ANOSACANTEIRA. Os branquiazuis derrotaron (5-0) aos colexiais para manter a súa cómoda renda á fronte da táboa sobre o RC Celta.
En Terceira División toca partido grande para o Fabril, que visita mañá domingo 26 ao Ourense CF no Couto (17:00 horas). Os locais marchan na 2ª praza, só superados pola SD Compostela. Os fabrilistas, a un paso de posicións de playoff e con 1 encontro menos disputado, queren regresar á zona nobre. Luisito citou aos seguintes xogadores: Álex Cobo, Boian, Eimil, Valín, Iago Parga, Bourdal, Juan Rodríguez, Martí Vilà, Gandoy, Villares, David Sánchez, Aarón Sánchez, Mario Losada, Pedro, Javi Sánchez e Jawed Boumeddane.
Tamén xogan lonxe da Cidade Deportiva, hoxe sábado 25 o Deportivo ABANCA B (0-0 en Santillana del Mar ante o CD Oceja) e Cadete B (1-1 en Lugo ante o CD Lugo B); e mañá domingo 26 o Xuvenil A (11:30 en Cantabria ante o CD Marina Sport).
En Abegondo sobresaíu o derbi na liga Nacional entre o Xuvenil B e o RC Celta B. Fronte a fronte medíronse os dous mellores equipos da categoría. Gañaron os célticos (0-2), que se achegan ao título en detrimento dos branquiazuis.
Tamén hoxe sábado 25, o Infantil A e Infantil B impuxéronse ao UD Santa Mariña (4-0) e ADC Obradoiro (6-0) na Fase polo Título e a Primeira Autonómica respectivamente.
Finalmente, en alevíns e benxamíns, o Benxamín A xogábase ante o ED Luis Calvo Sanz Ao liderado da liga Comarcal. Ambos os equipos chegan ao encontro igualados a 21 puntos á fronte da táboa. O triunfo foi para os deportivistas (4-1), que desta forma encabezan en solitario a táboa.
O calendario de partidos, cos resultados dos xa xogados, é o seguinte:
Terceira División
21ª xornada: OURENSE CF - FABRIL, o domingo 26 de xaneiro ás 17:00 no Couto (Ourense)
Categoría feminina
Primeira Nacional, grupo 1º, 16ª xornada: CD OCEJA 0 - DEPORTIVO ABANCA B 0
Categoría xuvenil
División de Honra, 19ª xornada: CD MARINA SPORT - XUVENIL A, o domingo 26 de xaneiro ás 11:30 no campo Soto de la Marina en Santa Cruz de Bezana (Cantabria)
Liga Nacional, 19ª xornada: XUVENIL B 0 - RC CELTA B 2
Categoría cadete
División de Honra, 19ª xornada: CADETE A 5 (Martín Ochoa -3-, Pablo Trigo e Mella) - CD CALASANZ 0
Liga Galega, grupo norte, 19ª xornada: CD LUGO B 1 - CADETE B 1 (Fer)
Categoría infantil
Fase polo Título da liga Galega, 2ª xornada: INFANTIL A 4 (Jorge García, Juan Barros, Dani Estévez e Javi Pita) - UD SANTA MARIÑA 0
Primeira Autonómica, grupo 1º, 20ª xornada: INFANTIL B 6 (Íker Gil -2-, Xenxo, Carballo, Memet e Jorge Rodríguez) - ADC OBRADOIRO 0
Categoría alevín
Liga Comarcal, 8ª xornada: CD OBRERO A 1 - ALEVÍN A 11 (Diego -3-, Leandro -2-, Anxo, Yago, Pablo e Janusz -3-)
Primeira C, 7ª xornada: ADC OBRADOIRO 0 - ALEVÍN B 5 (Íker -2-, Uxio, Nico e Gael)
Categoría benxamín
Liga Comarcal, 8ª xornada: BENXAMÍN A 4 (Rodrigo, José Quiroga, Pablo Somoza e Hugo) - ED LUÍS CALVO SANZ A 1
Primeira C, 7ª xornada: BENXAMÍN B 7 (Nico -2-, Íker -2-, Thiago, Mario e Leo) - XESUITINAS C 0